Ертегілер елінде атты қойылым

"Алматы облысы білім басқармасының Талдықорған қаласы бойынша білім бөлімі " мемлекеттік мекемесінің" #2 орта мектеп" коммуналдық мемлекеттік мекемесінде 18.11.2021ж. күні қазақ тілі мен әдебиеті пәні бірлестігінің ұйымдастыруымен ұлттық құндылықтарды сақтай отырып, оқушылардың функционалдық сауаттылығын жобалық оқыту әдісі арқылы 2-4 сыныптар аралығында, оқушылардың қиялынан туындаған "Ертегілер елінде" атты қойылымы өткізілді.
Қойылымның мақсаты: Оқушыларға ертегіні суреттеп, сахналап қоюды үйрету. Мән-мағынасын ашу, халық ауыз әдебиеті шығарма кейіпкерлерінің істеріне баға беріп, өз көзқарастарын білдіруге үйрету. Оқушы бойындағы адамгершілік қасиеттерді дамыту, шығармашылық қабілетін арттыру. Қойылым барысында 2 сынып оқушылар ертегі әлеміне саяхат жасап, "Кім тапқыр" ойыны арқылы сұрақтарға жауап берді. 4 сынып оқушылары өз қиялдарынан "Балапан" ертегісін құрастыра отырып, кейіпкерлер әлеміне ене білді. Іс-шараға белсене қатысқан оқушыларды мақтау қағазымен марапаттады.