«Полиглот» жобасы

«Жетісу облысы білім басқармасының Талдықорған қаласы бойынша ББ» ММ «№2 орта мектеп» КММ-ң қазақ тілі мен әдебиеті пән бірлестігі ақпанның 1 күні «Полиглот» жобасының « Жас қаламгер» бағытына байланысты серіктес №7,№8 мектептің ақынжанды оқушылары арасында өлең шығарудан қалалық байқау ұйымдастырды.Байқаудың негізгі шымылдығы арнайы қонаққа шақырылған ақын Сағыныш Намазшамовамен «Өнерімді еліме арнаймын» атты кездесумен басталды.Сондай-ақ,әдеби іс-шараға қоғамда еңселі еңбегімен еленіп жүрген « Аманат» партиясы Жетісу облыстық филиалы қоғамдық қабылдау бөлімінің меңгерушісі Асхат Сейденұлы Досмұханбетов, мектебіміздің директоры Жамал Нұратайқызы Нурлыбаева ханым қатысты.Оқушылар алдын ала жүргізген журналистік зерттеулері бойынша ақын әпкелерімен сұхбат жүргізіп, түйткілі бар сұрақтарының маңызын аша алса,қадірлі қонағымыз Асхат Сейденұлы тұлғалық асыл қасиет,білім мен өнер, жалпы адамдықтың тұғыры жайлы тұщщымды сұхбатымен кешке қатысушы жас өркенге құттықтау сөзін арнады. Байқаудың «Өлеңім-өнерім» оқушылар өз шығармаларын оқу, «Жас қаламгер» оқушылар арасындағы өлең шығару турларының қорытындысы бойынша бәйге иелері анықталып, мектеп директоры Жамал Нұратайқызы құттықтау сөз сөйлеп, марапаттады.
«Поэзия бұл ақынның сөзі ғана емес, өмірдің өзі. Сондықтан әр өлеңде ақынның өзінің жүрек лүпілі, өзінің аңсаған сезімі, ой толғамы, жүрегінің қағысы, барлығы ішінде тұрады» деп Сағыныш апайлары айтқандай , байқауға қатысқан әр оқушыға өнерлеріңіз өрге жүзсін, өмір жолдарыңыз даңғыл болсын деген тілек айтамыз!