Қазақстан халқы тілдері күні

Бүгін 05.09.2024 жылы №2 орта мектеп қабырғасында директордың оқу-әдістеме ісі жөніндегі орынбасары Р.Е.Разбаева ,сондай-ақ, қазақ тілі ағылшын тілі және орыс тілдері әдістемелік бірлестіктерінің ұйымдастыруымен еліміздің қасиетті әрі қастерлі мерекесі Қазақстан халқы тілдері күні онкүндігінің ашылу салтанаты өткізілді. 2017 жылы «Қазақстан Республикасында мереке күндер тізбесін бекіту туралы» үкіметтің қаулысына сәйкес, қыркүйектің 5-і Қазақстан халқы тілдерінің күні болып бекітілген. Бұған дейін Тілдер мерекесі 22 қыркүйекте атап өтілетін. Бұл өзгерістің басты себебі - «Ұлттың сақталуына да, жоғалуына да себеп болатын нәрсенің қуаттысы - тіл» деген ұлағатты сөз қалдырған, қазақ халқының тілі үшін күрескен, Ұлт ұстазы атанған Ахмет Байтұрсынұлының туған күнімен байланысты. Тіл – біздің мәңгілік байлығымыз, оны қорғау және дамыту – біздің ортақ парызымыз. Тілдер мерекесі құтты болсын! Еліміз аман, тіліміз мәңгі болсын!