8 "Б" сынып оқушыларымен әдеби кеш өткізді

"Алматы облысы білім басқармасының Талдықорған қаласы бойынша білім бөлімі" мемлекеттік мекемесінің "№2 орта мектеп" коммуналдық мемлекеттік мекемесінің қазақ тілі мен әдебиеті пәні мұғалімі Сагынганова Айдана Коянбаевна Қазақ поэзиясының хан тәңірі Мұқағали Мақатаевтың туылған күніне орай 8 "Б" сынып оқушыларымен әдеби кеш өткізді. Әдеби кештің мақсаты:Ақиық ақын, артына айрықша өшпейтін із қалдырған Мұқағали Мақатаевтың өмірі мен шығармашылығына шолу жасау. М.Мақатаевтың өлеңдері мен әндері арқылы оқушыларды әсемдікке, елжандылыққа тәрбиелей отырып, поэзия әлемінің сырын ашу. Кеш барысында оқушылар ақынның өлеңдерін мәнерлеп оқып,шығармаларын көрме арқылы таныстырды. Сонымен қатар Тлеужанова Шынайы ақынға арналған өз шығармашылығын тарту етті. "Ғасыр ақыны” атанған ,миллион сырлы сезімнің иесі-Мұқағали Мақатаев мәңгі өшпес мұра болып қалады.